Пікет аднаго чалавека ў Баранавічах
Прислал admin 11.07.2011 16:37
Пікет аднаго чалавека «За жыццё без маны і фальшу» правёў у старым гарадскім парку Рыгор Грык 10 ліпеня.
Продолжение новости:
Пікет аднаго чалавека «За жыццё без маны і фальшу» правёў у старым гарадскім парку Рыгор Грык 10 ліпеня.
Мэсэджы, з якімі грамадскі актывіст выйшаў на пікет, зацікавілі грамадзян.
Людзі падыходзілі, чыталі, пагаджаліся, спрачаліся. Кіроўцы праязджаючых міма аўто выказвалі падтрымку сігналамі клаксонаў, нягледзячы на машыну ДАІ. Ніхто не выказаўся супраць таго, пра што пісалася на плакатах і пра што гаварыў пікетовец. Найбольш смелыя кіроўцы прыпыняліся, падыходзілі да Рыгора Грыка і паціскалі яму руку.
Пікет прайшоў спакойна. У адпаведнасці з рашэннем Баранавіцкага гарвыканкама ад 16.06.2009 г. № 1497 Рыгор Грык як арганізатар пікета заключыў пісьмовыя домовы з ГАУС, хуткай дапамогай і спецаўтабазай. На пікеце прысутнічалі прадстаўнікі гарадской міліцыі. Актывіст заўважыў, што шмат хто з зацікаўленых мінакоў баяўся падыйсці — менавіта з-за людзей у форме.
Грык лічыць, што мэта пікету дасягнутая. Ён публічна выказаў свой асабісты пратэст супраць росту цэнаў, паніжэння ўзроўню жыцця. Рыгор Грык выступае за жыццё без маны і фальшу.
11.07.2011
spring96.org